بوقالات جزائرية اعقد ونوي

بوقالات جزائرية اعقد ونوي

---

1)لي جرح قلبي و دواه واش من عين تلقاه نطلب من ربي الفتاح ننساه و نحل ببان لهنا و نرتاح
*2*دخلت لباب الجنان عجبني القارص و القارص ما نكلوش يشيني
والشيخ ما نخدوش يا لوكان يغنيني ناخد الشاب الصغير اللي يواتيني

*2*الزينة اللي جات باش نكافيها باللوز و السكر نطعم غاشيها
وبالزبدة والعطر نطلي سواريها نطلب من ربي العزيز للحج يديها

*3*خرجت بريق البلار جازو علي ثلث اقمار
وحدة لالة وحدة فنار و وحدة تشعل في القلوب النار
4قولو للي ضاق صبرو يشد في حبال الرجا و علاش ينكد اتكل على الله ياك ربي العالي ما يضيع حد
5يالي ملكتني بزينك يا زايدة فعدابي فليل نومك و فنهار نترجاك قوليلى غير كليمة يرحم لى رباك
6الناس كسبت الحطب و الشطب و انا كسبت طير منقارو فضة و ريشو دهب
7يا لالا يا لالا يا ملات القلب القاسي حني على حبيبك يالى طيرتي منو نعاسو ملى شافك راه يتعذب عليك عادا مواليه وكامل حبابو و ناسو
8يا ملات لقلب لكبيرربي يعطيك و يوسع عليك معندك لا ذهب ولا حرير وانتي ديما زاهيا وربي مسهلك مادريت واش من حيلة نديرباش نكون مثلك

9لقرص منكلوش نخاف يشيني و شيخ منتزوج بيه لكان يغنيني ندي داك شاب لى قدي و يواتيني

10علاش يا لالا تخمام رحمة ربي واسعة وكبيرة لكان جات بلكلام نتحدثو ونعطوك
تدبيرة بصح كاشي بلمكتوب ويعيا الخير يبان وتزول عليك لهموم و تروح الحيرة

11قطعت لحم بيدي وعملت بذورو سمعي لكلام بوذنيا و عرفت من قالو يا قيلين
لكلام لقبيح واش تربحو انا طاوس فلقصرو نتوما خفاش نهارما يضوالو
12 شمس واش بيك دابلة ادا بيك زين راني نخمم فيك و ادا بيك زهر ربي ما يتخلا عليك
13محبس منقوش مربي علفشوش ميحمل هانا صبر يا خطري حتي يفرج مولانا
14بنيان الطين لا تعليه يجي نهار و يريب ساسو.. و وليد الناس لا تربيه يكبر و يعود لناسو
15عسل يا عسل فباقة خضرا يا شميمت العاشقين يا قمرا حلف سيد لملاح ما يراس امر غير ادا جات غزالتةباش تختم الحضرة
16ادا انت سبيبط انا خويط فيك.....ادا سنسلة انا خمسة تحميك....ادا انت خويتم انا حجرة تبهيك......وين تروح تلقاني وغير انا لنديك
17كنت كي لوردة المدبالة جا حبيبي و غير الحالة ياخويا الحب راه كواني ودواه راه شفاني
18مديت يدي لقاع لبير و فرشت زريبية حرقست حرقوس ذهب من راسي لودنية فرحي يايما سعدي زها....و ستشفاي في العدو الى ستشفافيا
منقووول
انشاء الله يعجبوكم وماتنساوش التقييم